اهم العناصر قبل ما تقوم بانشاء موقع

أزيكم يا شباب عاملين إيه؟ يا رب تكونوا بخير وبسلامة.
موضوع النهاردة هنتكلم فيه عن أهم الأساسيات اللي لازم تعرفها قبل ما تنشئ موقعك على الويب.

زي ما شايف قدامك على الشاشة، دي أساسيات قبل إنشاء موقعك على الويب.

أول حاجة لازم تعرفها قبل ما تنشئ موقعك هي: يعني إيه الموقع الإلكتروني؟
الموقع الإلكتروني ده مكان وهمي موجود على سيرفر على الإنترنت، مش مكان حقيقي على الأرض.
وبالتالي الموقع ده هو اللي بتعرض فيه شغلك عشان تكسب دخل إضافي.

مثلاً لو عندك متجر لبيع الملابس، ممكن تعرض منتجاتك على الإنترنت عشان الناس تشتري منك من أي مكان.
ولو عندك موقع أخبار، بتنزل عليه أخبار وبتكسب من خلال الإعلانات اللي على الموقع.
وده كمان بينطبق على أي نوع موقع تاني.

---

نيجي بقى نتكلم عن الربح من إنشاء موقع إلكتروني على الويب.
لو أنت عايز تحقق دخل من موقعك، ده ممكن يحصل فعلًا، لكن مش بيكون سريع ولا فوري، لازم تبذل مجهود وتستمر.
الربح محتاج متابعة مستمرة والالتزام بشروط وسياسات جوجل.

---

طيب إيه هي أهم المنصات اللي ممكن تنشئ عليها موقعك؟
فيه منصات كتير، لكن أشهرهم منصتين: بلوجر ووردبريس.

---

أولاً: منصة بلوجر

مميزاتها:

• سهلة الاستخدام، مناسبة للمبتدئين ومش بتحتاج تقنيات معقدة.

• مجانية، مش محتاج تدفع استضافة أو دومين إلا لو حبيت تشتري دومين خاص.

• متكاملة مع جوجل، يعني تقدر تربطها بسهولة مع جوجل أناليتكس وجوجل أدسنس.

• آمنة، لأن جوجل بتوفر حماية للمواقع.

عيوب بلوجر:

• خيارات التخصيص محدودة مقارنة بمنصات تانية.

• مش بتمتلك الموقع بالكامل لأن بلوجر مملوكة لجوجل، ممكن تقفللك الموقع لو خالفت السياسات.

• محدودة في الوظائف، مش زي ووردبريس اللي فيه إضافات كثيرة.

---

ثانيًا: منصة ووردبريس

مميزاتها:

• مرونة عالية في التخصيص، تقدر تختار قوالب وإضافات كثيرة تناسب موقعك.

• بتمتلك الموقع بالكامل، البيانات والمحتوى بتاعك ملكك.

• مجتمع دعم واسع، تقدر تلاقي مساعدة ودروس بسهولة.

• فيها أدوات احترافية لتحسين محركات البحث (SEO).

عيوب ووردبريس:

• أصعب في الاستخدام خصوصًا للمبتدئين، خصوصًا في إعداد الاستضافة والدومين.

• تكاليفها أعلى، محتاج تدفع استضافة ودومين وبعض الإضافات المدفوعة.

• محتاج صيانة دورية، زي تحديث الاستضافة والقوالب والإضافات.

---

خطوات انشاء الموقع

نيجي بقى لأهم العناصر اللي لازم تحددها قبل ما تبدأ موقعك، سواء على بلوجر أو ووردبريس:

1. تحديد هدف الموقع
   لازم تعرف موقعك هيكون مدونة شخصية، موقع رياضي، تعليمي، إخباري، أو غيره.
   تحديد الهدف ده بيساعدك تختار الاسم والمحتوى المناسب.

2. اختيار اسم الموقع والدومين
   لازم يكون الاسم والدومين مميزين وسهلين للمستخدم، مثلاً لو موقعك عن كرة القدم تختار اسم قريب للكورة زي "يلا كورة".

3. اختيار قالب مناسب
   القالب لازم يناسب محتوى الموقع، مثلاً موقع بث مباشر هيحتاج قالب يبرز البث، موقع تعليمي قالب يوضح الدروس بشكل مناسب.
   كمان لازم يكون القالب متجاوب مع جميع الشاشات، سواء كمبيوتر أو موبايل أو تابلت.

4. المحتوى الجيد
   المحتوى هو الملك، حتى لو جهزت كل حاجة صح، لو المحتوى تعبان مش هيكسبك جمهور.
   المحتوى الجيد هو اللي بيخلي الزوار يرجعوا لك.

5. تحسين محركات البحث (SEO)
   استخدام كلمات رئيسية مناسبة علشان يظهر موقعك في نتائج البحث ويجيلك زيارات أكتر.

6. التفاعل مع الزوار
   سيب مساحة للتعليقات ورد عليهم، ده بيشجع التفاعل وبيخلي الموقع نشيط.

7. استخدام أدوات التحليل
   زي جوجل أناليتكس، تساعدك تعرف زوار موقعك مين، وبيحبوا إيه، وازاي تحسن موقعك.

8. الأمان وحماية الموقع
   مهم تستخدم أدوات لحماية موقعك من الاختراق أو المشاكل الأمنية.

---

في النهاية أتمنى تكونوا فهمتوا موضوع النهاردة، ولو عندكم أي أسئلة اكتبوهالنا في التعليقات وأنا هرد عليكم في أسرع وقت.

شاهد فيديو توضيحي

شكراً لزيارتكم، لا تنسوا متابعة قناتنا على اليوتيوب للمزيد من الشروحات، وشاركوا الموضوع لو استفدتوا ❤️❤️