مقدمة عن لغة HTML: أساس بناء المواقع الإلكترونية
أهلاً بيكم في دورة جديدة على القناة بعنوان
"تعلم لغة HTML من الصفر".
في كل حلقة من حلقات هذه الدورة، هتلاقوا اختبار بسيط في نهاية الدرس، وأنا
منتظر مشاركتكم في التعليقات عشان نتابع مدى فهمكم واستيعابكم.
يعني إيه HTML؟
HTML هو اختصار لـ HyperText Markup Language، ودي معناها
"لغة ترميز النص التشعبي".
هي اللغة الأساسية اللي بنستخدمها لإنشاء صفحات الويب على الإنترنت. بمعنى
أبسط، هي اللغة اللي بتخلي المتصفح يقدر يعرض المحتوى بتاع موقعك بشكل
منظم.
عناصر لغة HTML
لغة HTML بتتكون من عناصر (Elements) مختلفة، وكل عنصر ليه دور محدد في تحديد نوع المحتوى اللي بتضيفه، مثلاً:
-
لو عايز تضيف فقرة نصية، بتستخدم عنصر
<p>عشان المتصفح يعرف إنه نص عادي. -
لو عايز تضيف عنوان، بتستخدم عنصر العنوان زي
<h1>أو غيره. -
كمان لو عايز تضيف رابط أو صورة، في عناصر مخصصة لكل نوع من المحتوى.
HTML مش لغة برمجة
مهم تعرف إن HTML مش لغة برمجة، لكنها لغة بناء الموقع
الإلكتروني، زي لما تبني هيكل بيت.
تخيل معايا إنك بتبني بيت جديد، في البداية لازم تعمل الأساسات، العمدان،
الحوائط، وبعدين تجهز البيت.
HTML هي الأساس أو الهيكل اللي بنبني عليه موقعنا.
إيه دور CSS؟
لو عايز تزوق الموقع، تضيف ألوان، تنسيقات، أو تصميم مميز، هنا بيجي دور لغة CSS، وهي لغة تنسيق وتصميم المواقع.
الدورة للمبتدئين
الدورة دي هتبدأ معاكم من الصفر، لو أنت مبتدئ وما عندكش أي خبرة في تصميم
المواقع، هتتعلم كل حاجة خطوة بخطوة بطريقة سهلة وبسيطة.
ولو عندك بعض المعلومات السابقة، أنصحك تبدأ معانا من جديد عشان نضمن إن كل
الأساسيات واضحة وصحيحة.
اختبار الحلقة الأولى
في نهاية كل حلقة، هسيب لكم سؤال بسيط تجاوبوا عليه في التعليقات، وده هيساعدني أعرف مدى تقدمكم واستيعابكم.
السؤال الأول معانا النهاردة:
لغة HTML هي اختصار لإيه؟
مستني إجاباتكم في التعليقات تحت الفيديو.
شكرًا لمتابعتكم، وإن شاء الله نشوفكم في الموضوع الجاي مع معلومات جديدة ومفيدة.
شاهد فيديو توضيحي
في النهاية، أتمنى يكون الموضوع أفادكم، ولا تنسوا دعمنا بالاشتراك في قناة اليوتيوب الخاصة بنا لمزيد من الدروس المجانية.